"Terapia e Vampirit", terapia me plazem autologe (Pjesa e dytë)

Faktoret e rritjes te cliruar nga trombociete jane:

• Platelet-derived growth factor (PDGF)
• Transforming growth-factor-beta TGF-b)
• Vascular endothelial growth factor (VEGF)
• Epidermal growth factor (EGF)
• Fibroblast growth factor-2 (FGF-2)
• Insulin-like growth factor (IGF)

Këto faktorë te rritjes ndihmojne ne shërimin dhe rigjenerimin nepermjet ketyre proceseve:

• Tërheqjen qelizave te padiferencuara embrionale në vendin e injektuar duke shkaktuar ndarje te re qelizore dhe formimin e indit te ri.
• Ndalojne lirimin e citokineve dhe kufizojne inflamacionin.
• Ndihmojne ne tërheqjen e makrofageve për të përmirësuar shërimin dhe rigjenerimin e indeve.
• Nxisin krijimin kapilareve te gjakut (formimin e enëve te reja te gjakut), duke nxitur dhe përshpejtuar epithelizimin.

Patologjite ku perdoret terapia me plazem:

• Ulcerat e kembeve si rezultat i insuficienes venoze dhe arteriale.
• Ulcerat diabetike.
• Plaget nga djegiet.
• Plage nga trauma te ndryshme apo plage kirugjikale.
• Cikatricet ne lekure.

Ne renien e flokeve - trajtimet me plazem PRP kane treguar se rigjenerojne follikujt e demtuar te flokeve dhe stimulojne rritjen e flokeve te rinj.

Rigjenerimin e fytyres - injeksionet me plazem trajtojne rrudhat, demtimet dhe plakjen e fytyres nga dielli, eliminimin e njollave ne fytyre.

Trajtimi me plazem ështe immunologjikisht neutral dhe nuk përbën rrezik per mbindjeshmeri apo për alergji.

Studimet e rasteve e kryera në një numër vendesh kanë treguar gjithashtu se për pacientët që mund të kane rrudha të moderuara për shkak të ekspozimit ndaj diellit dhe/ose thjesht për shkak të moshës përfitojnë nga trajtimi me plazem.

Rezultatet tregojnë se kur plazma aplikohet me injeksione sipërfaqësore ose të thellë ne lëkurës, nxit mjaft rigjenerimin e lekures tonicitetin dhe hidratimin e saj dhe keto shihen brenda 3 javësh nga aplikimi i saj dhe ne muajt ne vazhdim.

Zonat qe trajtohen zakonisht me plazem jane, rreth syve, rrudhat ne fytyre, qafa duart, strijet pas shtatezanisë.

Ajo duhet aplikuar nga nje personel i specializuar mjekesor (mjeke dermatolog, kirurg plastik) sepse kerkon njohuri mjekesore dhe kushte sterile ne pergatitjen e saj.

Plazmo terapia e kombinuar me terapi te tjera si mesotherapia (injektimi ne fytyre i koktejeve vitaminike), aplikimi i peeling terapise dhe aplikimi i lazerave jo ablativ, rrit jashtezakonisht shume rigjenerimin dhe con ne ate qe te gjithe e kerkojne Rinine e Perhershme.