CANNABIS SATIVA (KËRPI)

HISTORI

Kërpi (Cannabis Sativ L.) është një nga bimët e para të përdorura nga njeriu, që në periudhën neolitike, probabilisht në Azi.

Teksti më i vjetër i shkruar i njohur për përdorimin e cannabis-it vjen nga periudha e perandorit kinez Shen Nung, në vitin 2727 para Erës së Re. Në tekstin e njohur të vjetër Pen Tsao në Kinë flitet se bimët e ndryshme narkotike, midis tyre edhe cannabis, kanë qenë të njohura në një rreth të caktuar njerëzish që i kanë përdorur, kryesisht, për një kohë të caktuar e të shkurtër, që të liroheshin nga ndonjë brengë dhe që të kalonin nga bota reale në botën e imagjinatës. Arsyet më të shpeshta për këtë gjë kanë qenë vështirësitë e ndryshme, sëmundjet, frika, etj.

Përdorimi i kësaj bime si një drogë me veti psikoaktive është dokumentuar nga gjetjet arkeologjike në shoqëritë prehistorike në Euro-Azi dhe Afrikë.

Varret Yanghai (një varrezë e madhe e lashtë, 54.000 m2) të vendosur në lagjen Turfan të Rajonit Autonom të Xinjiang Uyghur të Republikës Popullore të Kinës, kanë nxjerrë në shesh varrin 2700-vjeçar të një shamani. Ai mendohet t’i përkiste kulturës Jushi, të regjistruar në periudhën e shekujve më vonë në Hanshu.

Pranë kokës dhe këmbës së shamanit është gjetur një shportë e madhe lëkure dhe një tas druri mbushur me 789 gr cannabis, të ruajtur shkëlqyeshëm nga kushtet klimatike dhe të varrimit. Një ekip ndërkombëtar tregoi se ky material përmbante tetrahidrokanabinol, komponenti psikoaktiv i cannabis-it. Cannabis shfrytëzohej me sa duket nga kjo kulturë, si një agjent mjekësor ose psikoaktiv, ose një ndihmë për parashikimin e së ardhmes.

Ky është dokumentacioni më i vjetër i cannabis-it si një agjent farmakologjikisht aktiv.

Vendbanimet, që datojnë në periudhën 2200 - 1700 para Erës së Re, në Bactria dhe Margiana, përmbajnë struktura të ndërtuara për rituale, me dhoma që përmbajnë çdo gjë të nevojshme për të përpunuar pije me ekstrakte nga lulekuqja (opium), nga kërpi (cannabis) dhe nga efedra (e cila përmban efedrinë).

Ndërkohë, që nuk ka dëshmi të përdorimit të efedras ndër fiset e stepës, ka gjurmë që tregojnë se këto fise përdornin kërpin për arsye kulti (adhurimi). Të paktën që në mijëvjeçarin e tretë para Erës së Re e më vonë, kjo praktikë gjendet nga Rumania, në lindje, deri në lumin Yenisei, në perëndim. Përdorimi i saj është hasur në aparatin për tymosjen e kërpit të gjetur në Pazyryk.

Cannabis është përmendur në tekstet Vedas të hinduve, në vitet 2000 dhe 1400 para Erës së Re, në Atharvaveda. Deri në shekullin e 10-të, ai ka qenë sugjeruar, ashtu siç referohej nga disa në Indi, si “ushqim i perëndive”. Përfundimisht cannabis u bë një pjesë ritual e festivalit hindu të Holi-t.

Në Budizëm, cannabis, në përgjithësi, konsiderohet si një pije dehëse, që mund të ishte një pengesë për zhvillimin e të menduarit dhe të vetëdijes së qartë.

Në kulturën e lashtë gjermanike, cannabis shoqërohet me perëndeshën skandinave të dashurisë, Freya.

Grekët dhe romakët klasikë e kanë pas përdorur cannabis-in shumë herët.

Në Lindjen e Mesme përdorimi i cannabis-it u përhap nëpërmjet perandorisë islame nga Afrika e Veriut.

Disa përkthyes thonë se një vaj për lyerje, që përmendet në“Exodus”, përmbante cannabis. “Exodus” është libri i dytë i Biblës të hebrejve, që ritregon largimin e izraelitëve nga skllavëria në Egjypt, shtegëtimin e tyre përmes Detit të Kuq dhe përmes labirinteve, të udhëhequr nga Moisiu, si dhe për Dhjetë Urdhëresat. Ngjarjet datojnë midis viteve 1580 dhe 1200 para Erës së Re, dhënë në mënyrë të ndryshme nga studiuesit.

Herodoti, një historian grek i rëndësishëm i shekullit të 5-të para Erës së Re, përshkruan se si Skithët e Lindjes së Mesme përdornin e kërpit (cannabis) në banjat me avull.

Sufistët kanë përdorur cannabis-in në një kontekst shpirtëror që nga shekulli i 13-të.

Në kohët moderne, lëvizja Rastafari ka përqafuar cannabis-in si një sacrament (gjë e shenjtë). Të urtët e Kishës Kopte Etiopiane të Sionit, një lëvizje fetare e themeluar në Shtetet e Bashkuara, në vitin 1975, e konsiderojnë cancabis-in si Eukaristia, duke e pretenduar atë si një traditë gojore nga Etiopia, që daton që në kohën e Krishti. (Shënim: Kjo kishë nuk ka lidhje me kishat e tjera të Etiopisë ose kishat e tjera Kopte.)

Ashtu si lëvizja Rastafari, disa sekte moderne gnostike të krishterë kanë pohuar se cannabis është “Pema e Jetës”.

Rrymat e tjera fetare të organizuara e themeluara në shekullin e 20-të që trajtojnë cannabis-in si një sakrament janë Shërbesa e THC, Rruga e Harmonisë së Pafundme, Kanteizmi, Kuvendi Kanabis dhe Kisha e Cognizance-s (përgjegjësisë). Rastafarianët priren të jenë ndër konsumatorët më të mëdhenj të përdorimit modern të cannabis-it.

Fibrat e kërpit shërbenin për të bërë veshje në Kinë 600 vjet para Erës së Re, kurse në Europë, në Mesjetë. Veshjet mbretërore perëndimore ishin shpesh të përbëra nga përzjerje kërpi dhe lini.

Në vitin 1545, cannabis u përhap në hemisfera perëndimore, kur spanjollët e importuan atë në Kili për përdorimin e bimës për fibër.

Në Amerikë e Veriut cannabis, në formën e kërpit, u kultivua për përdorim për litar, veshje e letrë.

Bibla e parë e shtypur nga Gutenberg ishte mbi letër kërpi. Letra e kërpit është përdorur deri në shekullin e XIX-të.

Në fillim të shekullit të XX-të, në Europë, fibrat e kërpit u zëvendësuan prej bambukut, me origjinë nga SHBA.

Pak nga pak kërpi është ndaluar së kultivuari ose kultivimi i tij i është nënshtruar rregullave strikte gjatë shekullit të XXtë për arsye të vetive të tij psikotrope.

Në vitin 1937, SHBA nxorri jashtë ligjit kultivimin e kërpit (cannabis) për arsye të mundshme të lidhura me racizmin dhe/ose me interesa ekonomike industriale.

Në vitet 2000, një numër i madh shtetesh kanë nxjerrë jashtë ligjit kultivimin, konsumimin dhe tregëtinë e kërpit, me dënime që nisin nga më të lehtat e deri me burgim.

Kërpi njeh përdorime të shumëfishta, të tilla si: për pëlhura, për ndërtim, për kozmetikë, për izolim fonik dhe termik, për fabrikimin e vajrave, për litarë, për shtresa mbulimi, për përdorim në formën e lëndëve djegëse, për industrinë e letrës, për ushqimin njerëzor, për ushqimin shtazor, si biokarburant, për përdorim si medikament, për përdorim rekreativ ose si material përbërës në shoqërim me materialet plastike.

Kërpi po gjen një rifitim të interesit me rritjen e çmimit të naftës dhe rritja e vetëdijes ndaj mjedisit (ndaj ekologjisë). Vendet europiane dhe kolektivat lokale të këtyre vendeve tentojnë kështu të favorizojnë një kulturë të re të kërpit.

BIMA

Kërpi (Cannabis sativa L.), i njohur gjithashtu nën emrin e tij latin cannabis, është një lloj bime vjetore e familjes Cannabaceae.

Bima Cannabis sativa L. ndahet në një numër të madh të nënllojeve. Kjo ndarje diskutohet nga botanistët; disa nga ata nuk i marrin në konsideratë ndryshimet midis nënllojeve si tregues të mjaftueshëm për të justifikuar ndarjen.

Të apasionuarit pas cannabis-it njohin tri lloje të dallueshme, të bazuar në faktorë të tillë si: morfologjia, rangu natyror, aroma dhe karakteristikat subjektive psikoaktive.

Bima mashkull

Bima femër

Ne, pak a shumë, mund të ndajmë katër fenotipe mirë të dallueshme:

• Nënlloji sativa (xhamajkan), ose kërp i kultivuar
• Nënlloji indica, ose kërpi indian, sinonimi i Cannabis indica.
• Nënlloji spontanea, ose kërpi i egër, sinonimi i Cannabis ruderalis
• Nënlloji kafiristanica, ose kërpi afgan, sinonimi i Cannabis afghanica

NËNLLOJI SATIVA

• Rritet në rajonet ekuatoriale (Xhamajka, Honduras, etj).
• Bima arrin, për disa muaj, një lartësi prej disa metra (deri në 6 metra).
• Gjethet e reja të kësaj bime janë fine.
• Bima njihet për efektet e saj psikotrope.
• Tek bima vihen re përqëndrimet më të larta të THC.
• Bima jep një efekt euforizant, kur ajo është e thatë dhe e gatshme për tu konsumuar. Bima motivon, eksiton dhe nuk jep efekt narkotik si nënlloji indica.
• Bima është e famshme për fibrat e saj; është përdorur gjërësisht në të kaluarën dhe përdoret akoma aktualisht për aplikime të shumta që ajo lejon (pëlhura, ndërtim, kozmetikë, izolim, vajra, litarë, mbuloja, lëndë djegëse, prodhim i letrës, ushqim njerëzor, ushqim shtazor, agrokarburant, përdorim si medikamente, përdorim rekreativ, material përbërës i shoqëruar me materialet plastikë, etj).
• Cikli i jetës i këtij nënlloji është më i gjatë se i ai i nënllojeve të tjerë, për shkak të fotoperiodës së rajoneve ekuatoriale.
• Kërcelli i bimës është i përkulshëm dhe bosh përbrenda.
• Kultivuesit e farërave të BE punojnë për krijimin e kultivarëve të seleksionuar gjenetikisht dhe që përbëjnë kërpin e kultivuar ligjërisht kudo. Qëllimi është të rihabilitohet linja e kërpit me synim për t’iu përgjigjur sfidave të energjitikës dhe ekologjisë. Këta kultivarë janë bërë objekt i një programi të seleksionimit gjenetik intensiv me synim që të minimizohet përmbajtja e tyre në THC.

NËNLLOJI INDICA

• Nën-lloji është me origjinë nga rajonet e Himalajës në veri të Indisë.
• Bima është e famshme kryesisht për vetitë e saj psikotrope, por, gjithashtu, në përmasa më të vogla, për fibrën e saj. Një thashethem popullor pretendon padrejtësisht që është i vetmi nënlloj që tymoset. Si psikotrop, kryesisht, të jep efekt “i ngurtësuar” (kur bëhet masë e ngurtë).
• Përqëndrimi i substancës aktive, në princip, varet nga klima dhe mjedisi në të cilat bima zhvillohet.
• Bima karakterizohet fizikisht nga degë të gjëra, një staturë mesatare (nuk i kalon kurrë 3 metra) dhe lulëzimi i saj është më i harbuar se nënlloji sativa (arsyea për të cilën ajo është më e vlerësuar në kulturën rekreative).
• Kërcelli i saj është i përkulshëm dhe pothuajse solid.

NËNLLOJI SPONTANEA

• Ky nënlloj rritej, në origjinën e tij, në jug-lindje të Rusisë së vjetër. Rritet në gjendje të egër në Europën Qendrore dhe në Europën Lindore, ku konsiderohet si një “bar i keq”. E takojmë shpesh në bordurat e rrugëve, në anët e fushave apo të lumenjve. Mendohet se janë skithët që e shpërndanë në Azi dhe veçanërisht në Mongoli. Aktualisht, kjo bimë rritet nga Europa Qendrore e deri në Kinë.
• Karakterizohet nga lulëzimi i harbuar; disa nga bimët lulëzojnë madje në mënyrë të pavarur nga fotoperioda.
• Bima duron klima më të ftohta dhe kondita mjedisi të vështira. Si edhe nënlloji afghanica, statura e saj është e vogël.
• Përdoret për të realizuar kryqëzime (hibridizime) me qëllim që të përftohen nënlloje më rezistente e me një lulëzim më të harbuar dhe që të kenë shumë pak efekte psikotrope.
• Ka efekte shumë të dobta psikotrope. Përmbajtja e THC nuk i kalon 0.5%.

NËNLLOJI KAFIRISTANICA

• Quhet kështu, sepse rritet kryesish në Kafiristan, një province afgane e izoluar në malet e Hindu Kush, që nënkupton “vendin e të pafeve”, që tani quhet Nurestan.
• Kultivohet kryesisht në malet e Pakistanit dhe të Afganistanit.
• Bima nuk i kalon kurrë 1.5 metra lartësi.
• Nënlloji afghanica adoptohet në mjedise malore dhe është paksa më e lartë se nënlloji ruderalis, por përmban një nivel të rëndësishëm të THC.
• Kultivohet veçanërisht për prodhimin e hashishit. Lartësia e vogël e bimës e bën të pamundur përdorimin për fibër.
• Ka shumë degë, ashtu si edhe nënlloji indica, por distanca midis nyjeve është shumë më e vogël.
• Në periudhën e pjekurisë ka gjethe shumë më të gjata se ato të nënllojit indica, në përmasat e atyre të nënllojit sativa, por më të gjëra, me një raport gjatësi/gjërësi të njëjtë me gjethet e nënllojit ruderalis.
• Është i vetmi nën-lloj i cannabis-it që ka një kërcell në formë delli dhe solid.

KANABINOIDËT NË BIMË

Njihen më shumë se gjashtëdhjetë kanabinoidë në kultivarë të ndryshëm të kërpit. Δ9-tetrahidrokanabinoli (THC), substanca kryesore psikoaktive, kanabidioli (CBD) dhe kanabinoli (CBN) janë më të përhapurit.

Biosinteza e kanabinoidëve bëhet në glande (gjendra) të specializuara, prezente në të gjitha pjesët ajrore të bimës. Zhvillimi i këtyre glandeve fillon me formimin e degëzimeve.

Faktorët që rregullojnë prodhimin e kanabinoidëve janë vetëm pjesërisht të njohur. Megjithëse është provuar që aspekti mjedisor rrit në mënyrë të rëndësishme sasinë e Δ9-tetrahidrokanabinolin (Haney dhe Kutscheid, 1973; Coffman dhe Gentner, 1975), ekziston një teori më e përgjithëshme që pranon se aspektet sasiore influencohen nga faktorët mjedisorë (Fairbairn dhe Liebmann, 1974; Latta dhe Eaton, 1975).

Kanabinoidët luajnë rolin e agjentit mbrojtës, kundër tharjes, kundër parazitëve, kundër rrezeve UV-B dhe kundër mikrobeve.

Një thekë e marihuanës që paraqet glandet (trikomet) e saj të pasura me THC

KONCEPTE TË PËRGJITHËSHME

Cannabis mund të paraqitet nën shumë forma:

• Lulet e thara të bimës femër (që formojnë “kokën” apo “kokotën”), të quajtura marihuanë ose gjethe të thata (zakonisht, gjethet e kurorës së lulëzuar të bimës femër, të quajtura gjethet e manikyrit); është një përzierje jeshile, kafe apo gri.



“Kokotë” cannabis

• Rëshira e cannabis-it (hashishi), që është një derivat i bimës së tharë, të presuara në bllok pas fabrikimit.



• Vaji i cannabis-it që është koncentrat dalë nga ekstraktimi me anë të solventëve (alkol, gaz për çakmakë, kryesisht), ndarje me pluskim në ujë apo në vaj dhe pastaj avullimi i solventit; Është lëng ngjitës, i murmë dhe i errët.



• “Poleni”, i quajtur kështu për analogji me polenin e botanistëve, por që s’ka të bëjë fare me të. Kemi të bëjmë me pudër (pluhur) të përftuar duke rekuperuar glandet prodhuese të rëshirës që bien nga bima me anë të fërkimit. Pra po flasim për trikome. Poleni i vërtetë i bimës, pluhur i verdhë, i prodhuar nga bima mashkull në momentin e riprodhimit, nuk përmban substanca active.


• “Skuff” që nuk është gjë tjetër veçse çdo tip i gjethes së manikyruar fshirë me një copë pëlhurë. “Skuff” është një derivat i prodhuar me dorë i cannabis-it. Ai dallohet nga “kushuriri” i tij, hashishi, nga përbërja 100% natyrale. “Skuff” është një produkt shumë i koncentruar me THC, niveli është mbi 20% dhe mund të arrijë pothuajse 30% për varietetet më moderne. “Skuff” ka ngjyrë jeshile në kafe apo jeshile të ndezur, përbërja e tij është solide e kompakte dhe ai digjet shumë shpejt sapo që një flakë i afrohet.

“Skuff” i Marokut, i marrë nga Polinatori

MËNYRAT E KONSUMIMIT

• TYMOSET

Marihuana që quhet gjithashtu tamias, daube, pot, weed, marie-jeanne, herbe ose zamal (në ishullin e Reunionit), e dredhur në joint, që quhet splif, zdar, canne, blaz, wize, stick, bat, batos, buzz, pillon, pétard, bédo, gringo, roach, boulon, chon, robert, cone, sdax ose akoma chichon, poteau, tra, jazz, tige ose akoma teuteu. Marihuana përbëhet nga lule të thara të cannabis-it apo gjethe, por gjethet nuk janë të kualitetit të mirë, ato quhen “kashtë” (në frëngjisht feuillasse ose paille). Këto thahen, grihen hollë, pastaj tymosen, ashtu siç janë,apo përzihen me duhan. Marihuana ndonjëherë përzihet në ëmblsira apo në pije. Përmbajtja ne THC varion nga 0.1% deri në 30%, sipas prejardhjes dhe mënyrës së përgatitjes.

Hashishi ose hashi, që quhet gjithashtu shit (në Francë), fabrikohet me rrëshirën e kërpit që mbush lulet dhe gjethet e majës së bimës. Rrëshira shkundet, presohet në blloqe dhe në përgjithësi tymoset. Hashishi përzihet me duhanin në formë cigareje ose me pipë.

Ndonjëherë disa përdorues e përzjejnë hashishin me ushqime apo me pije.

Efektet e hashishit janë shumë më të fuqishëm se sa ato të marihuanës: përmbajtja në hashish e THC varion nga 10% deri në 30%.

Vaj i Cannabis-it është produkt që realizohet me ndihmën e solventëve (tretësave), duke ekstratuar çfarë të mundet nga bima dhe duke përftuar një koncentrat të THC (ndonjëherë 80%). Ky vaj, që tymoset i përzjerë në duhan është i rrezikshëm për arsye të nivelit të lartë të përqëndrimit. Ky vaj është pak i përhapur.

TETRAHIDROKANABINOLI (THC)

TË DHËNA TË PËRGJITHËSHME

Delta-9-tetrahidrokanabinol (Δ9-THC), ose Δ1-THC (i përdorur në nomenklaturën kimike të vjetër), ose dronabinol, me shkurtimin THC, është substanca kryesore psikoaktive e gjetur në bimën e cannabis-it.

Tetrahidrokanabinoli (THC) ka veti psikotrope.

THC është izoluar në vitin 1964 nga Raphael Mechoulam dhe Yechiel Gaoni të Instituti Weizmann në Rehovot, në Izrael.

Në formë të pastër, është një trup i ngurtë i qelqtë kur ftohet dhe bëhet viskoz e ngjitës nëse ngrohet.

Nga pikëpamja mjeksore, THC duket se ka efekte analgjezike. THC lejon të reduktohet përmasa e tumoreve kancerozë (autofazhi).

Struktura kimike 2-dimensionale e THC

Struktura kimike 3-dimensionale e THC

• Formula: C21H30O2 [Izomer]
• Masa molare: 314.4617 ± 0.0195 g/mol
• Temperatura e vlimit: 157 °C
• Tretshmëria: 2.8 mg/l (uje 3 °C)
• Kategoria: Stimulant, Euforizant, Haluçinogjen (Me doza të forta)
• Mënyra e konsumimit: Tymosje, përtypje
• Emra të tjerë: Cannabis
• Rreziku u varësisë: Varësi psikologjike

Molekulë delikate e zbuluar prej doktor C. Piller, termikisht e paqëndrueshme dhe e oksidueshme, që izomerizohet lehtësisht në Δ8-THC (lehtësisht më pak aktiv), ose që transformohet në kanabinol (CBN, me aktivitet shumë të vogël) ose në kanabidiol (CBD, inaktiv).

Si një terpenoid aromatik, THC ka një tretshmëri në ujë shumë të ulët, por një tretshmëri të mirë në shumicën e solventëve organikë të tillë si etanoli, açetoni apo heksani.

THC është një molekulë shumë liposolubël (e tretshme në hyndyrna), që shpjegon kalimin e saj të shpejtë të barrierës hemato-encefalike dhe, për pasojë, efektin e saj pothuajse imediat gjatë konsumimit me tymosje. Ky aspekt liposolubël bën që kjo molekulë të akumulohet në hyndyrna, gjë që shpjegon dy fenomene: faktin që qëndron prezente për një kohë shumë të gjatë në organizëm dhe faktin që gjatë rregjimit disa persona përshkruajnë efektet kanabinikë.

THC i lehtë shërben për të moderuar efektet analgjezikë dhe kanabisi mund të përdoret për të trajtuar dhimbjet. Mekanizmi për efektet analgjezikë të shkaktuara drejtpërdrejt prej THC apo ngacmuesve të tjere kanabinoidë nuk është kuptuar plotësisht. Efektet e tjerë përfshijnë detantën (paqen), euforinë, perceptimin e modifikuar hapësirë-kohë, alternimin e ndjenjave vizuale, auditive dhe olfaktive (të nuhatjes), ankthin, dizorientimin, lodhjen dhe stimulimin e oreksit (në gjuhën popullore e quajtura «babëzi»).

Ekziston një formë sintetike e THC si Marinol, Savitex ose analogë (molekula të përafërta) si Nabilon. Këto produkte farmaceutike nuk janë në përgjithësi psikoaktivë ose janë pak.

Kërkuesit shkencorë duke synuar të izolojnë vetitë psikoaktive, kanë çuar në zbulimin e analogëve ndonjëherë 100 deri 1000 herë më aktivë se THC natural (i famshmi THC-V, për shembull).

Meqenëse THC oksidohet shpejt, ruajtja e cannabis-it në formën e barit kërkon nevojën e një tharjeje të plotë dhe të kujdesshme. Rëshira është më stabël në masën ku THC është më mirë i mbrojtur nga oksigjeni dhe lagështia në sajë të strukturës se saj më të dendur.

Maroku dhe Afghanistani/Pakistani janë furnizuesit kryesorë të hashish-it në Europë.

Prodhimi europian i marihuanës mbetet i lartë, veçanërisht në Hollandë dhe Belgjikë.

Cannabis sativa ka nivelin më të lartë të konsumit në botë.

• 180.6 milionë përdorues
• 78 milionë europianë (Raport EMCDDA 2011)
• 25 mijë përdorues në Shqipëri

EFEKTET FIZIKE TË CANNABIS SATIVA NË TRUP

EFEKTET AFATGJATA TË PËRDORIMIT

Studimet e kryera si në njerëz dhe në kafshë tregojnë se abuzimi afatgjatë me marihuanë mund të shkaktojë varësi fizike. Simptomat e tërheqjes në vetvete mund të përfshijnë nervozizëm, pagjumësi, rënie të oreksit, ankth dhe mall për drogën.

Dikush që tymos rregullisht marihuanë mund të ketë shumicën e të njëjtave probleme të frymëmarrjes që kanë ata që pijnë duhan, të tilla si: kollë e përditshme dhe prodhim i gëlbazës, sëmundje akute gjoksi më të shpeshta, një rrezik të rritur të infeksioneve në mushkëri dhe një tendencë më të madhe të pengimit të rrugëve të frymëmarrjes.

Kanceri i traktit të frymëmarrjes dhe i mushkërive gjithashtu mund të nxitet nga tymi i marihuanës. Marihuana ka potencial për të nxitur kancerin e mushkërive dhe të pjesëve të tjera të traktit të frymëmarrjes, sepse tymi i marihuanës përmban 50 përqind deri në 70 përqind më shumë hidrokarbure kancerogjene sesa tymi i duhanit.

TERMAT E RRUGËS

TERMAT E RRUGËS NË BOTË

• Homegrown (E rritur në shtëpi) - Marihuanë
• BC bud (Gonxhe BC) - Marihuanë e cilësisë së lartë prej Kanadasë
Hydro (Hidro) - Marihuanë e rritur në ujë (hidroponik)
• Bud (Gonxhe) - Marihuanë
• Indo (Indo) - Marihuanë, term nga Karolina e Veriut
• Chronic (Kronik) - Marihuanë
• Kind bud (Lloj gonxheje) - Marihuanë e cilësisë së lartë
• Dope (Graso) - Marihuanë
• Mary Jane (Meri Xhejn) - Marihuanë
• Ganja (Ganja) - Marihuanë; term nga Xhamajka
• Shake (Ethe) - Marihuanë
• Herb (Bar) - Marihuanë
• Sinsemilla (Pa farë) (nga spanjishtja “Sin semilla”) - Marihuanë fidan
• Shit - Hashash

TERMAT E RRUGËS NË SHQIPËRI

• Kalló ose Lloka - brumë hashashi (Për qeset me “Kalló” qarkullon fjala “Seqe”, deformim i fjalës “Qese”.)
• Trefletësh - Hashash
• HD - Hashash
• Disqet dhe Kasetat me këngë - janë dozat një gramshe të drogave të forta, heroinë ose kokainë, por, në ndonjë rast, edhe cannabis sativa.
• Shishet ose Bidonat e qumështit - emërtohet bima narkotike cannabis sativa.
• Buka - është një sasi lëndësh narkotike në masë një kilogramë.
• Majë e vogël - sasi të vogël heroine ose kokaine, për provë, por ndonjëherë përdoret edhe për farat e bimëve narkotike.
• Bar (Barishte, Kullosë, Jonxhë) - marihuan.